Айдоочулар сиздей эле сапарларга бирден бешке чейин баа коюшат. Алар койгон баалардан сиздин рейтингиңиз түзүлөт. Рейтинг өзүңүздү сырттан баамдап көрүүгө, айдоочунун көзү менен карап көрүүгө жардам берет.
Рейтинг кантип эсептелет?
Рейтинг — бул акыркы 40 баадан орточо өлчөнүп алынган сан. Орточо катары эсептелет, бирок эски бааларга караганда жаңылары салмактуураак болот.

Максималдуу рейтинг — 5. Рейтинг сизде 5тен бир аз төмөн болсо, кабатыр болбоңуз: кынтыксыз жүргүнчү болуш оңой эмес. Сиз үчүн майда көрүнгөн нерсе айдоочу үчүн маанилүү болушу мүмкүн. Мисалы, сиз эшикти катуу жаптыңыз, учурашканды же коштошконду унутуп койдуңуз.

Рейтинг эмне үчүн керек?
Айдоочулар менен колдонуучулар бири-бирине кам көрүп, сый-урмат менен мамиле кылышса — баарына жакшы. Ошондуктан биз сапарга баа берүү, жаралган маселелер тууралуу айтып берүү мүмкүнчүлүктөрүн сизге да, аларга да беребиз.
Жакшы бааларды эмне үчүн коюшат?
Айдоочулардын арасында өткөрүлгөн сурамжылоо төмөнкүлөрдү көрсөттү.
Убакытка так болуу
Сизди көпкө күтпөй, айрыкча унаа токтотууга ыңгайсыз жерлерде өз убагында келишиңиз эң жакшы. Айдоочулардын айтымында: кармалып жатсаңыз, бул тууралуу чатка жазып койгон жакшы.
Машинага аяр мамиле
Тыканыраак болуңуз: эшикти катуу жаппаңыз, салонду булгабаңыз.
Сылыктык
Башкысы — өз ара сый жана камкордук. Муну чечмелеп бериштин зарылчылыгы жок деп ойлойбуз, сиз ансыз деле баарын билесиз жана туура кыласыз деп ишенебиз.
Унаанын келишине ылайыктуу жер
Айдоочу токтой ала турган жерди тандаңыз: машинаны шлагбаумдун алдына, жабык аймактарга же унаа токтотуу үчүн айып пул салынышы мүмкүн болгон жерлерге чакырбаган оң.
Буйрутманын чоо-жайы
Эгер сапар адаттагыдай эмес болсо — мисалы, ит же мышык менен жолго чыкканда эскертип коюш керек. Кичинекей балдарды же көлөмдүү буюмдарды ташуу буйрутмалары үчүн атайын тарифтерди жана опцияларды тандаңыз.